Eich dyfodol, eich dewis

Mae Choice yn fwy na dim ond enw. I ni, mae gofal yn golygu cefnogi popeth sy’n eich gwneud chi’n chi, fel y gallwch chi fyw eich bywyd i’r eithaf.

Felly chi sy’n siapio eich diwrnodau chi yma, a dyna pam mae eich diddordebau, eich dewisiadau a’ch blaenoriaethau wrth wraidd eich dyfodol gyda ni.

Mae bywyd wedi’i adeiladu o eiliadau bach a chynlluniau mawr. Gyda ni, chi yw’r un sy’n cael penderfynu ar y pethau hyn.

O ddydd i ddydd, gallai hyn olygu dewis beth sydd i frecwast neu ble i fynd yn y prynhawn. A beth bynnag yw eich breuddwydion mawr – adeiladu eich annibyniaeth, dod o hyd i swydd, mynd ar wyliau – rydyn ni yma i’ch helpu i’w gwireddu.

Byddwch chi’n teimlo’n gartrefol oherwydd byddwch chi gartref. Eich lle chi yw hwn, felly dechreuwch feddwl am addurno!

Ond beth sydd wir yn ei wneud yn gartref yw teimlad teuluol cynnes ein cymuned. Bydd eich tîm gofal dibynadwy wrth law i’ch helpu i setlo ar eich cyflymder eich hun, ac mewn dim o dro byddwch chi wedi’ch amgylchynu gan ffrindiau, chwerthin a chefnogaeth y gallwch chi wir ddibynnu arnynt.

Beth sydd bwysicaf i chi sydd bwysicaf i ni.

Mae hyn yn wir am fywyd bob dydd – p’un a ydych chi’n hoffi trefn neu amrywiaeth.  Mae’n sail i’r mathau o gymorth rydyn ni’n ei gynnig – popeth wedi’i bersonoleiddio i chi. Ond mae hefyd yn berthnasol i’r bobl yn eich bywyd. Mae eich perthnasoedd ag anwyliaid yn bwysig iawn i ni hefyd, felly rydych chi’n cael treulio amser gyda ffrindiau a theulu pryd bynnag rydych chi eisiau.

Mae pobl o bob cefndir yn cael ein cefnogaeth.

Beth bynnag yw eich stori unigryw chi, mae Choice yn rhywle lle gallwch chi fod yn union pwy rydych chi eisiau bod.  Rydyn ni’n falch o fod yn gymuned amrywiol a chroesawgar sy’n meithrin ymdeimlad gwirioneddol o berthyn i bawb. Allwn ni ddim aros i weld beth fyddwch chi’n ei gyfrannu.

Credwch chi ni, rydyn ni’n gwybod sut i fwynhau!

Gallwch ddisgwyl llond lle o ddathlu, o benblwyddi i deithiau. Ac os ydych chi’n hoff o berfformio neu’n hapusach yn gwylio, rydych chi’n siŵr o gael amser da yn ein sioe flynyddol fythgofiadwy, Choice Got Talent.